Presennol

CSCC

David Clubb, Cadeirydd
Tom Crick, Comisiynydd
Ceri Doyle, Comisiynydd
Stephen Gifford, Comisiynydd
Rob Irvine, Comisiynydd
Neil Hemington, Pennaeth Cynllunio, Llywodraeth Cymru
Adrian Davies, Ysgrifennydd CSCC

Ar gyfer eitem 2 ar yr agenda yn unig

Poppy Stowell-Evans, Cadeirydd Llysgenhadon Hinsawdd Ieuenctid Cymru
Georgia Hughes, Cadeirydd y Grŵp Gweithwyr Proffesiynol Datblygol, y Gymdeithas Ymgynghoriaeth a Pheirianneg (ACE)

Ar gyfer eitem 3 ar yr agenda yn unig

Edward Sherriff, Dirprwy Gyfarwyddwr Ynni, Llywodraeth Cymru

Ymddiheuriadau

Helen Howells, Comisiynydd
Eluned Parrott, Comisiynydd

Croeso

1. Croesawodd y Cadeirydd y comisiynwyr i’r cyfarfod. 
2. Nododd y Cadeirydd ei ymrwymiadau ers y cyfarfod diwethaf.
3. Diolchodd y Cadeirydd i Ceri Doyle am ei chyfraniad gan y byddai’n rhoi’r gorau i’r comisiwn ar ôl y cyfarfod.

Ymwneud â phobl ifanc

1. Croesawodd y Cadeirydd Poppy Stowell-Evans a Georgia Hughes ac eglurodd fod y comisiwn yn dymuno gwella ei ymgysylltiad â phobl ifanc ac y byddai ganddo ddiddordeb mewn clywed am arfer da o feysydd eraill.
2. Teimlai Poppy y byddai gan bobl ifanc ddiddordeb mewn ymgysylltu â CSCC pe bai’r comisiwn yn darparu mwy o wybodaeth am ei waith. Gallai CSCC wneud hyn mewn nifer o ffyrdd megis defnyddio: 
   • cyfryngau cymdeithasol
   • grwpiau a rhwydweithiau presennol, a
   • llysgenhadon ieuenctid
3. Disgrifiodd Georgia fudd amrywiaeth meddwl i’w gyflawni trwy harneisio angerdd pobl ifanc. Argymhellodd Georgia y byddai cylch gwaith clir a darparu hyfforddiant a mentora yn helpu pobl ifanc i ymgysylltu’n effeithiol.
4. Drwy wneud cysylltiadau â’r cwricwlwm ysgol, gallai CSCC greu cyfleoedd i gynnwys pobl ifanc mewn cyd-greu.
5. Diolchodd y Cadeirydd i Poppy a Georgia am rannu eu profiadau a oedd wedi ei ysbrydoli i fod mor gyfeillgar i ieuenctid â phosibl.

Canlyniad Plymio Dyfnion i Ynni Adnewyddadwy Llywodraeth Cymru

1. Croesawodd y Cadeirydd Ed Sheriff ac esboniodd fod comisiynwyr yn awyddus i ystyried sut y byddai NICE yn cyfrannu at alluogi’r newid i ynni adnewyddadwy.
2. Rhannodd Ed ddatganiad ysgrifenedig ac argymhellion Llywodraeth Cymru a disgrifiodd y broses a chasgliadau’r adolygiad:
   •    Datganiad Ysgrifenedig: Canlyniad y Plymio Dyfnion i Ynni Adnewyddadwy (8 Rhagfyr 2021)
   •    Ynni adnewyddadwy plymio’n ddwfn: argymhellion 
3. Roedd swyddogion bellach yn gweithio ar gynllun gweithredu ar gyfer rhoi’r argymhellion ar waith.
4. Trafododd y Comisiynwyr rai o’r cyfleoedd a’r heriau sy’n deillio o’r adroddiad.
5. Daeth y cyfarfod i’r casgliad bod y meysydd y gallai CSCC gyfrannu atynt yn cynnwys:
   •    potensial i ddylanwadu ar bartneriaid sy’n gweithio ar lefel y DU
   •    datblygu porthladdoedd, a
   •    potensial i ddenu buddsoddiad ariannol ychwanegol i Gymru.